人總係要成長嘅，每長大壹歲，就多壹絲煩惱。

        細個嗰陣時，係無憂無慮嘅。因爲細，所以單純。唔會考慮太多，淨係識得玩。細路仔嘅世界係充滿陽光嘅，就算有時落小小雨，只要壹粒糖就可以即刻陰轉晴，然後仲可以笑得甜過顆糖。喺細路仔嘅眼入邊，呢個世界係可愛嘅。佢哋天真咁認爲全世界啲人都係好人，每個人所講嘅嘢都係真嘅。佢哋天真咁認爲呢個世界係有童話嘅，所有嘢喺佢的睇嚟都係簡簡單單嘅。

       但係大個咗，所有嘢就變得複雜晒。大個咗就會覺得自己細個嗰陣時好傻好天真，就會認爲呢個世界根本冇童話，所有嘢都係假嘅。每日都會戴住有色眼鏡去睇人，有時都唔知自己喺度做咩。大個之後，少咗好多快樂，多咗好多煩惱。大個之後嘅世界經常係落梗雨嘅，所有嘢都變得好複雜，做乜都力不從心，連笑嘅味道都變成苦嘅，苦到入心……

       如果每嗰人可以永遠停留喺童年時代唔成長就好咯，生活簡簡單單就係最大嘅快樂。永遠認爲糖仔係最好嘅，連發夢都想揾到糖果屋。只可惜呢個世界根本冇“如果”可言……